KSA空手道親子歷奇日營 暨 聖誕聯歡燒烤晚會

感謝每一位家長同小朋友嘅參與，因為你哋每一個家庭，先能夠組成我哋呢一個咁大嘅家庭。

今次十分難得三個道場（荃灣道場、觀塘道場、大圍道場）嘅家長同小朋友可以聚首一堂參與今次嘅活動，由早上9點玩到夜晚9點，小編表示聽到都覺得攰 雖然貌似好攰，訓練、青蛙跳大賽、團體遊戲、野外定向、燒烤晚會以至抽獎環節，其實都見到大家全日都係歡笑中渡過，兩位教練都同大家一樣咁開心同滿足。

而最最最感謝嘅，就係我哋新成立嘅第一屆「KSA家教會」，今次活動嘅主要統籌工作都係呢一班家教會嘅家長代表，因為有佢哋，大大減輕咗我哋兩位教練嘅工作，亦因為佢哋嘅細心，令到今次嘅活動搞得咁好（稍後會再特別出個專屬post去感謝每一位家長代表）。

唯一美中不足嘅就係因為近排疫情反覆，令到今次有好多報咗名嘅到最後都參與唔到 不過唔緊要，來日方長，只要大家願意又滿意，我哋都會繼續搞落去，明年見。

係到預祝大家2023新一年身體健康、事事順利。