屬於形方的最後一個星期

不經不覺，喺呢度渡過兩個寒暑，今個星期執嘢嘅一刻，個場回歸返當初第一個星期到來嘅感覺，所有初心的感覺都返晒嚟。

仲好記得嗰陣為咗小鹿們決定放手一搏搵個新地方，希望佢哋練得舒舒服服，命名為「小鹿本部」。當日佢哋走進形方道場嘅時候嗰個興奮嘅樣，我到今時今日都好記得，因為身為教練嘅我哋都非常興奮。喺呢度我哋繼續努力培育新人，師兄師姐繼續做好榜樣帶領新一代嘅小朋友接觸呢個運動。

學生長大咗，心態成熟咗，好多嘢都變咗，唯一冇變嘅係我哋冒險的心態，背後嘅原因同兩年前一樣，都係為咗一班學生。而更加長遠嘅目標係希望可以帶學生走得更遠，培育更多新一代嘅教練。

呢兩年大家係「小鹿本部」流過汗、流過淚、流過血但你哋成長了，呢度都係一樣，希望你哋仲會好記得呢個充滿回憶嘅地方，多謝你哋當呢度係自己嘅家。下個月我哋喺新場地見。

#小鹿本部 #形方拜拜 #轉場 #二次擴充 #大家繼續努力 #糸東拳會荃灣道場 #隨手攞起一樣你有回憶的東西